You are here: હોમમા> કોર્સ, મુખ્ય કોર્સ વાનગીઓ, શરુ, મીઠાઈઓ > ભારતીય મીઠાઈ | ઈંડા વગરની ભારતીય મીઠાઈ | > પેંડા / લાડુ > Malai Peda Recipe (મલાઈ પેડા મીઠાઈ)
Malai Peda Recipe (મલાઈ પેડા મીઠાઈ)
Tarla Dalal
• Updated : Aug 04, 2025
Table of Content
અતિ પ્રખ્યાત એવી આ ભારતીય મીઠાઇ મલાઇ પેંડા એક શાહી મીઠાઇ છે.
અહીં દૂધને ફાડીને શાહી બનાવટવાળો માવો તૈયાર કરવામાં આવ્યો છે અને પછી તેમાં સુગંધી એલચી અને કેસર મેળવવાથી એવી મધુર મીઠાઇ બને છે જેનો કોઇ પણ પ્રતિકાર ન કરી શકે. તેની તીવ્ર સુવાસ અને મજેદાર ખુશ્બુ વડીલોને પસંદ આવે એવી છે અને તેની માવાવાળી રચના નાના ભુલકાઓને પણ એટલી જ ગમે એવી છે. આમ કોઇ પણ રીતે મલાઇ પેંડા એક બ્લોકબસ્ટર મીઠાઇથી ઓછી ગણી શકાય એવી નથી.
Tags
Soaking Time
0
Preparation Time
5 Mins
Cooking Time
30 Mins
Baking Time
0 Mins
Baking Temperature
0
Sprouting Time
0
Total Time
35 Mins
Makes
16 પેંડા
સામગ્રી
Main Ingredients
4 1/2 કપ દૂધ (milk)
થોડા કેસર (saffron (kesar) strands)
2 ટીસ્પૂન દૂધ (milk)
1/2 કપ સાકર (sugar)
1 ટેબલસ્પૂન કોર્નફલોર (cornflour)
1 ટેબલસ્પૂન દૂધ (milk)
1/4 ટીસ્પૂન એલચીનો પાવડર (cardamom (elaichi) powder)
સજાવવા માટે
1 ટેબલસ્પૂન સમારેલા પિસ્તા (chopped pistachios)
1 ટેબલસ્પૂન સમારેલી બદામ (chopped almonds, badam)
વિધિ
- એક ઊંડા નૉન-સ્ટીક પૅનમાં દૂધને ઊંચા તાપ પર વચ્ચે એક બે વખત હલાવતા રહી એક ઉભરો આવે ત્યાં સુધી રાંધી લો. તેના માટે લગભગ ૪ થી ૫ મિનિટ લાગશે.
- તે પછી તાપ ધીમું કરી, મધ્યમ તાપ પર દૂધને વધુ ૧૫ મિનિટ સુધી અથવા દૂધ ઉકળીને પ્રમાણમાં અડધું થઇ જાય ત્યાં સુધી સતત હલાવતા રહી, પૅનની અદંરની બાજુ પર ચીટકેલા દૂધને ઉખેડી લેતા રાંધી લો.
- આ દરમ્યાન, એક નાના બાઉલમાં કેસર અને હુંફાળા દૂધને ભેગા કરી સારી રીતે મિક્સ કરી બાજુ પર રાખો.
- હવે ઉકાળેલા દૂધમાં સાકર અને કેસર-દૂધનું મિશ્રણ મેળવી, સારી રીતે મિક્સ કરી મધ્યમ તાપ પર વધુ ૪ થી ૫ મિનિટ સુધી વચ્ચે-વચ્ચે હલાવતા રહી પૅનની અદંરની બાજુ પર ચીટકેલા દૂધને ઉખેળી લેતા રાંધી લો.
- આની સાથે-સાથે, એક નાના બાઉલમાં કોર્નફ્લોર અને દૂધ મેળવી, દૂધમાં કોર્નફ્લોર સંપૂર્ણ ઓગળી જાય ત્યાં સુધી મિક્સ કરી બાજુ પર રાખો.
- બીજા એક નાના બાઉલમાં લીંબુના ફૂલ અને ૧ ટેબલસ્પૂન પાણી મિક્સ કરી બાજુ પર રાખો.
- હવે, ઉકળતા દૂધમાં ધીમે-ધીમે કોર્નફ્લોર-દૂધનું મિશ્રણ તથા લીંબુના ફૂલનું મિશ્રણ ઉમેરતા રહી દૂધમાં સારી રીતે મિક્સ કરી, મધ્યમ તાપ પર વધુ ૪ થી ૫ મિનિટ અથવા મિશ્રણ માવા સરખું બની જાય ત્યાં સુધી સતત હલાવતા રહી પૅનની અંદરની બાજુ પર ચીટકેલા દૂધને ઉખેડતા રહી રાંધી લો.
- આમ તૈયાર થયેલા મિશ્રણને એક પ્લેટમાં કાઢીને એક બુઠા ચમચા વડે તેને સરખી રીતે પાથરી ઠંડું થવા ૩૦ મિનિટ સુધી બાજુ પર રાખો.
- તે પછી તેમાં એલચી પાવડર મેળવીને સારી રીતે મિક્સ કરી લો.
- હવે આ મિશ્રણના ૧૬ સરખા ભાગ પાડી દરેક ભાગને તમારી હથેળીમાં લઇ ચપટ ગોળ પેંડા તૈયાર કરી લો.
- આમ તૈયાર કરેલા દરેક પેંડા પર પિસ્તા અને બદામની કાતરી છાંટી સરખી રીતે દબાવી લો.
- તાજા પેંડાનો સ્વાદ માણો અથવા રેફ્રીજરેટરમાં મૂકી જરૂર પડે ત્યારે પીરસો.
હાથવગી સલાહ:
- આ પેંડાને હવાબંધ બરણીમાં ભરીને રેફ્રીજરેટરમાં રાખવાથી લગભગ એક અઠવાડિયા સુધી તાજા રહેશે.
Malai Peda Recipe (મલાઈ પેડા મીઠાઈ) Video by Tarla Dalal
પ્લેટ દીઠ પોષક મૂલ્યો (સંક્ષિપ્ત)
| ઊર્જા | 94 કૅલ |
| પ્રોટીન | 2.6 ગ્રામ |
| કાર્બોહાઇડ્રેટ | 9.4 ગ્રામ |
| ફાઇબર | 0.1 ગ્રામ |
| ચરબી | 3.8 ગ્રામ |
| કોલેસ્ટ્રોલ | 9 મિલિગ્રામ |
| સોડિયમ | 11 મિલિગ્રામ |
મલાઈ પએડઅ માં કેટલી કેલરી છે? કેલરી માટે અહીં ક્લિક કરો
